Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Цэнтр механізацыі пуцявых работ

Начальнік Грудзько Іван Ільіч
Асабісты прыём: першая, трэцяя серада месяца з 9:00 да 12:00, запіс па тэл. (+375 165) 33 20 77
Галоўны інжынер Трэмбiцкi Іван Пракопавіч
Асабісты прыём: другая, чацвёртая серада месяца з 9:00 да 12:00, запіс па тэл. (+375 165) 33 20 77
Кантактная інфармацыя:

Тэл. (+375 165) 33 25 65,
E-mail: ozpm@brest.by
Адрас: 225710, Рэспубліка Беларусь, г. Пінск, вул. Гайдаенкі, 37
Асноўныя кірункі дзейнасці:
  • дзейнасць па эксплуатацыі і ўтрыманні чыгунак;
  • рамонт і тэхнічнае абслугоўванне пуцявых машын (МПД, КК, СМ-2, ЭЛБ, ВПРС, ПРСМ-3,4, ПРЛ, ВПО-3000, ПРБ, ВПР-02,03,08);
  • вытворчасць будаўнічых металічных канструкцый (выраб слупкоў, бэлек, перамычак, веснiц, варот, дэталяў конных плугоў, розных металавырабаў па індывідуальных заказах і іншай прадукцыі з рэек і металапракату);
  • вытворчасць запасных частак да сельскагаспадарчых машын (долата ПГЦ; долата укарочанае, нарог, нажы касілкі);
  • вытворчасць вырабаў для рамонту і бягучага ўтрымання пуцi, а таксама для бяспекі руху рухомага саставу (ключ кантавы, ключ пуцявы, накiдвацель, абцугі для зазягвання шпал, лом лапчасты, лом востраканечны, малаток кастыльны, кавадла, захоп рэйкавы, башмак накатачны і многае іншае).
  • паслугі па аўтаперавозках ў межах Рэспублікі Беларусь.

Эксплуатацыйнае рэспубліканскае унітарнае прадпрыемства «Цэнтр механізацыі пуцявых работ Беларускай чыгункі» укамплектавана высокакваліфікаваным штатам інжынерна-тэхнічных работнікаў, машыністамі чыгуначна-будаўнічых машын, слесарамі па рамонце пуцявых машын, дапаможнымі працоўнымі, якія забяспечваюць утрыманне ў спраўным стане аб'ектаў жыццезабеспячэння цэнтра.

Для забеспячэння дзейнасці па эксплуатацыі і ўтрыманню чыгунак на балансе прадпрыемства ёсць чыгуначна-будаўнічыя пуцявыя машыны фірмы «Пласер і Тойрэр», у тым ліку машыны РМ-76, РМ-80, ВПРС-08, ВПР-09, ВПР-08, ВПР-09-3х, ССП-110, ДГС-62, МФС-240, СОМPEL VAG 500 RD (прызначана для выканання работ па ўборцы сыпучых і вадкіх матэрыялаў з чыгуначнага пуцi, выканання падрыхтоўчых работ перад ужываннем машын для ачысткі шчэбеню, ўборцы забруджанага шчэбеню без зняцця рэйкашпальнай рашоткі на стрэлачных пераводах, мастах і інш.; для выдалення нанасных навалаў водных пропускаў і ачысткi дрэнажных каналаў чыгуначнага пуцi, нарэзкi траншэй для кладкі кабеляў або дрэнажных канаў, капання ям для бетонных падстаў слупоў, ачысткi парку пуцей чыгуначных станцый, адкрыцця кабельных падземных размеркаванняў, ачысткi і разгрузкi вагонаў і платформаў).

Пры рабоце машыны RM-80 магчымая ачыстка шчэбеню па дарозе з адначасовай кладкай геатэкстылю.

Дзяржаўнае прадпрыемства «Цэнтр механізацыі пуцявых работ Беларускай чыгункі» выконвае узмацненне рам і кузаваў пуцявых машын, замену рухавікоў 1Д6, 1Д12 на рухавікі ЯМЗ, устаноўку бартавых камп'ютараў для павышэння якасці рамонту чыгуначных пуцей.

Выконвае работы па рамонце:

  • Камплектаў падбiвачных блокаў фірмы Plasser & Theurer з машын тыпу ВПР, ВПРС;
  • Колавых пар, восевых рэдуктараў;
  • Платформаў з заменай камплектаў універсальнага здымнага абсталявання (УЗА).

На прадпрыемстве ёсць магчымасць выканаць работы па вырабе:

  • Камплектаў універсальнага здымнага абсталявання (УЗА);
  • Клямараў для кантоўкi рэек;
  • Хутказношвальных запасных частак для шчэбнеачышчальных машын RM-76,80: сіта, пласціны на рабочую / нерабочую накіравальню і інш.

Ëсць магчымасць на высокім тэхнічным узроўні зрабіць аднаўленне штокаў гідрацыліндраў, у тым ліку падбiвачных блокаў.

Для забеспячэння рамонту пуцявых машын Цэнтр мае неабходны парк станочнага і выпрабавальнага абсталявання, у тым ліку станкі: такарнай, фрэзернай, свідравальнай, стругальнай, зубафрэзернай, шліфавальнай і расточнай груп, станок плазменнай і газа-кіслароднай рэзкі ліставога металу.