Адзіны дзень пасажыра пройдзе 26 сакавіка на чыгуначных вакзалах ва ўсіх абласных цэнтрах, а таксама ў Баранавічах і Оршы
24 сакавіка 2015
Беларуская чыгунка працягвае новы фармат зносін з пасажырамі. 26 сакавіка на чыгуначных вакзалах у Мінску, Брэсце, Гродна, Гомелі, Магілёве, Віцебску, Баранавічах і Оршы пройдзе Адзіны дзень пасажыра. Ва ўсіх гарадах мерапрыемства адбудуцца ў адын час — з 14.00 да 17.00.
У правядзенні Адзінага дня пасажыра прымуць удзел кіраўнікі і спецыялісты пасажырскай службы Упраўлення Беларускай чыгункі, аддзяленняў дарогі, начальнікі станцый і вакзалаў. Пасажыры змогуць задаць спецыялістам беларускай магістралі пытанні ў вуснай і пісьмовай формах.
Месцы правядзення мерапрыемстваў на вакзалах будуць аформлены ў адзіным карпаратыўным стылі.
Звяртаем увагу, што на афіцыйным Інтэрнэт-сайце Беларускай чыгункі размешчаны банэр і арганізавана апытанне грамадскай думкі аб удасканаленні абслугоўвання пасажыраў.
Беларуская чыгунка адкрыта для зносін з пасажырамі і гатовая выслухаць іх пажаданні і прапановы!
Нагадваем, Беларуская чыгунка ўвяла новы фармат зносін з пасажырамі — Адзіны дзень пасажыра — з мэтай вывучэння меркавання спажыўцоў транспартных паслуг, забеспячэння зваротнай сувязі. Правядзенне дадзенага мерапрыемства прадугледжана ў апошні чацвер 3-га месяца квартала на чыгуначных вакзалах пазакласных і 1-га класа: у Мінску, Брэсце, Гродна, Гомелі, Магілёве, Віцебску, Баранавічах, Оршы. На працягу года Адзіны дзень інфармавання на Беларускай чыгунцы пройдзе 26 сакавіка, 25 чэрвеня, 24 верасня, 24 снежня.
Зносіны ў новым фармаце ўжо атрымалі добрыя водгукі ад пасажыраў. У студзені бягучага года Беларуская чыгунка правяла на ўсіх аддзяленнях дарогі акцыю «Адкрыты дыялог».
Інфармацыя падрыхтавана прэс-цэнтрам БЧ
Да спісу навін за 2015 год