.png)
Больш за тысячу прафілактычных мерапрыемстваў праведзена ў перыяд акцыі «Дзеці і бяспека» на Беларускай чыгунцы
07 чэрвеня 2023
Беларуская чыгунка падвяла вынікі акцыі «Дзеці і бяспека», якая праводзілася напярэдадні летніх школьных канікул з 22 па 31 мая 2023 года. У гэты перыяд быў узмоцнены кантроль за выкананнем мер бяспекі на аб'ектах чыгуначнага транспарту. Работнікі БЧ сумесна з членамі грамадскіх фарміраванняў, супрацоўнікамі органаў унутраных спраў арганізавалі рэйды, падчас якіх надалі асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Акрамя таго, на вакзалах і ў цягніках грамадзян дадаткова інфармавалі аб мерах бяспекі, праведзена тлумачальна-прафілактычная работа ў працоўных калектывах прадпрыемстваў і ва ўстановах адукацыі.
У рамках акцыі арганізаваны каля 400 рэйдаў. Выяўлены і выведзены ў бяспечныя месцы 77 непаўналетніх, якія знаходзіліся на аб'ектах чыгункі без суправаджэння бацькоў або дарослых. З 34 непаўналетнімі, якія знаходзіліся на чыгуначных пуцях у навушніках і размаўлялі па мабільных тэлефонах, праведзены прафілактычныя гутаркі.
Акрамя таго, падлеткам і іх бацькам нагадалі аб правілах паводзін на чыгунцы падчас выступленняў на прадпрыемствах і ў навучальных установах, размешчаных побач з чыгункай. У дадзеных сустрэчах прынялі ўдзел больш за 38 тыс. грамадзян, каля 36 тыс. з іх – непаўналетнія. Распаўсюджана 9,3 тыс. прафілактычных памятак.
Таксама ў рамках акцыі 31 мая 2023 года работнікі Беларускай чыгункі сумесна з навучэнцамі Мінскага дзяржаўнага каледжа чыгуначнага транспарту імя Я.П. Юшкевіча – валанцёрамі чыгуначнай арганізацыі Беларускай чыгункі Беларускага Чырвонага Крыжа правялі прафілактычныя гутаркі і ўручылі памяткі юным наведвальнікам Цэнтральнага дзіцячага парку імя М. Горкага і іх бацькам.
Беларуская чыгунка заклікае грамадзян быць вельмі ўважлівымі на аб'ектах чыгуначнага транспарту, берагчы сваё жыццё і жыццё сваіх дзяцей, выконваць правілы бяспекі і як мага часцей нагадваць іх родным і блізкім.Інфармацыя падрыхтавана прэс-цэнтрам БЧ
