.png)
Беларуская чыгунка праводзіць фотаконкурс, прысвечаны Году міру і стварэння
19 мая 2023
На Беларускай чыгунцы з 22 мая па 15 верасня 2023 года праводзіцца фотаконкурс сярод работнікаў, прысвечаны Году міру і стварэння.
Ён арганізаваны ў мэтах выхавання ў работнікаў беларускай магістралі пачуцця патрыятызму, любові і павагі да сваёй Радзімы, захавання для будучых пакаленняў дакументальных фотаматэрыялаў аб гістарычным мінулым і сучаснасці нашай краіны і Беларускай чыгункі.
Удзельнікамі фотаконкурсу могуць стаць работнікі Беларускай чыгункі за выключэннем тых, у чые службовыя абавязкі ўваходзіць правядзенне службовай фотаздымкі.
Сюжэты фатаграфій павінны быць прысвечаны Году міру і стварэння і звязаны з дзейнасцю Беларускай чыгункі, у тым ліку з яе гісторыяй і сучаснасцю (дапускаецца выкарыстанне фатаграфій з асабістых архіваў, а таксама камп'ютарная апрацоўка фатаграфій).
Да ўдзелу ў конкурсе прымаюцца фатаграфіі як у каляровым, так і ў чорна-белым выкананні памерам 20×30 см, вырабленыя ва ўмовах прафесійных фоталабараторый і надрукаваныя без афармлення.
Серыі здымкаў і фотакалажы, фатаграфіі, раней апублікаваныя ў сродках масавай інфармацыі, мастацкіх выданнях або скапіраваныя ў сетцы Інтэрнэт не могуць удзельнічаць у конкурсе. Забаронена ўдзельнікам выкарыстоўваць і работы, выкананыя прафесійнымі фатографамі Беларускай чыгункі.
Вынікі спаборніцтва падвядзе камісія, у склад якой увайшлі прадстаўнікі Упраўлення Беларускай чыгункі, Аб'яднанай галіновай прафсаюзнай арганізацыі чыгуначнікаў і транспартных будаўнікоў, арганізацыі ветэранаў магістралі, галіновага камітэта ГА «БРСМ», рэдакцыі газеты «Чыгуначнік Беларусі» і прафесійныя фатографы.
Пры ацэнцы фотаработ будуць улічвацца арыгінальнасць сюжэту, адлюстраванне і раскрыццё тэмы праз мастацтва фатаграфіі, а таксама мастацкія і тэхнічныя якасці фотаздымка.
Работы неабходна накіроўваць на адрас рэдакцыі газеты «Железнодорожник Белоруссии»: 220006, г. Мінск, вул. Кірава, 2 (з пазнакай «Фотаконкурс» і на электронную пошту bch.media@yandex.by) да 15 верасня 2023 года ўключна. Камісія адбярэ лепшыя з работ, прадстаўленых на конкурс. Дадзеныя фатаграфіі размесцяць у афіцыйных акаўнтах Беларускай чыгункі ў сацыяльных сетках, дзе з 25 верасня па 9 кастрычніка 2023 года будзе арганізавана інтэрнэт-галасаванне. З 20 работ, якія набралі максімальную колькасць галасоў, камісія вызначыць 10 лепшых фотаздымкаў (без уліку колькасці набраных галасоў у ходзе інтэрнэт-галасавання) з прысуджэннем 1, 2 і 3 месца.
Лепшыя работы будуць апублікаваны ў газеце «Железнодорожник Белоруссии», а таксама размешчаны на афіцыйным інтэрнэт-сайце Беларускай чыгункі і ў афіцыйных акаўнтах БЧ у сацыяльных сетках.Інфармацыя падрыхтавана прэс-цэнтрам БЧ
