.png)
Карпаратыўныя навіны
Май
-
29 мая 2017Беларуская чыгунка прызначыла дадатковыя цягнікі на час правядзення XVI Міжнароднага фестывалю дзіцячай творчасці «Залатая пчолка» у Клімавічах
Для забеспячэння дастаўкі удзельнікаў XVI Міжнароднага фестывалю дзіцячай творчасці «Залатая пчолка», які адбудзецца 1—4 чэрвеня ў горадзе Клімавічы, Беларуская чыгунка прызначыла дадатковыя цягнікі рэгіянальных ліній эканомкласа па маршрутах Магілёў—Крычаў—Клімавічы і Клімавічы—Крычаў—Магілёў на 1 і 4 чэрвеня.
Так, 1 чэрвеня прызначаны дадатковы цягнік па маршруце Магілёў—Крычаў—Клімавічы. Са станцыі Магілёў-1 цягнік будзе адпраўляцца ў 8.47 і прыбываць у Клімавічы ў 10.41.
Чытаць далей… -
26 мая 2017Беларуская чыгунка інфармуе!
У сувязі з пачаткам сезона масавага выпасу жывёлы на лугах паблізу чыгуначных пуцей і з мэтай папярэджання выпадкаў наезду на жывёл Беларуская чыгунка звяртае ўвагу кіраўнікоў сельскагаспадарчых прадпрыемстваў, старшынь сельскіх выканаўчых камітэтаў, а таксама ўладальнікаў прыватных падворкаў на неабходнасць захавання патрабаванняў, што прад'яўляюцца да выпасу жывёлы паблізу чыгункі і прагону яго праз чыгуначныя пуці.
У 2016 годзе і 4 месяцы ў 2017 годзе было дапушчана 12 выпадкаў наезду рухомага саставу на жывёл, у выніку чаго загінула больш за 30 галоў жывёлы. Сутыкненне цягнікоў з хатнімі жывёламі (каровамі, коньмі і г.д) цягне за сабой не толькі іх гібель, але і стварае пагрозу бяспекі руху, наносіць эканамічную шкоду БЧ, а таксама з'яўляецца прычынай збояў у графіку руху пасажырскіх цягнікоў. Акрамя таго, у выніку экстранага тармажэння або сутыкнення ўзнікае небяспека траўміравання пасажыраў і работнікаў лакаматыўных брыгад.
Чытаць далей… -
26 мая 2017Дэлегацыя Беларускай чыгункі прыме ўдзел у XIII беларуска-літоўскім эканамічным форуме
Мерапрыемства пройдзе ў Каўнасе 30—31 мая. Дэлегацыя БЧ будзе ўдзельнічаць у працы тэматычнай секцыі «Супрацоўніцтва ў сферы транспарту і лагістыкі». Прадстаўнікі БЧ выступяць з дакладам «Узаемадзеянне і супрацоўніцтва чыгунак Беларусі і Літвы на рынку транспартных паслуг» і прэзэнтуюць транспартна-лагістычны патэнцыял беларускай магістралі.
У рамках форуму будзе арганізавана праца яшчэ шэрагу секцый па такіх тэмах, як «Павышэнне энергаэфектыўнасці за кошт рацыянальнага выкарыстання аднаўляльных крыніц энергіі, цеплавой мадэрнізацыі», «Супрацоўніцтва ў сферы інвестыцый і фінансаў», «Супрацоўніцтва ў сферы турызму».
Беларуска-літоўскія эканамічныя форумы праводзяцца штогод па чарзе ў Беларусі і Літве і з'яўляюцца эфектыўнай пляцоўкай для абмеркавання шырокага кола пытанняў двухбаковага супрацоўніцтва.
АТ «Літоўскія чыгункі» з'яўляецца адным з найважнейшых партнёраў Беларускай чыгункі.
За студзень—красавік бягучага года транзітныя перавозкі павялічаны на 27% да аналагічнага перыяду мінулага года.
Чытаць далей… -
24 мая 201727 мая ў сталічным Палацы культуры і спорту чыгуначнікаў пройдзе традыцыйны фестываль народнай творчасці «Таленты нашай магістралі»
Гэты фестываль асаблівы. Хоць бы таму, што праходзіць ён у рамках мерапрыемстваў, прысвечаных 155-годдзю Беларускай чыгункі. На сцэну сталічнага Палаца культуры і спорту чыгуначнікаў выйдуць прадстаўнікі ўсіх аддзяленняў беларускай магістралі, каб як мага ярчэй і красачней прадставіць свае таленты.
А 12-й гадзіне адбудзецца яго ўрачыстае адкрыццё.
У фестывалі прымуць удзел як індывідуальныя выканаўцы, так і аматарскія калектывы мастацкай творчасці падраздзяленняў культуры і арганізацый Беларускай чыгункі па розных напрамках: вакальна-харавы, харэаграфічны, інструментальны і арыгінальны жанр. Таксама будзе прадстаўлена дэкаратыўна-прыкладное мастацтва.
Чытаць далей… -
24 мая 2017На Беларускай чыгунцы абралі новага лідэра галіновага камітэта ГА «БРСМ»
На БЧ адбылася V справаздачна-выбарная Канферэнцыя галіновага камітэта ГА «БРСМ» Беларускай чыгункі. Сімвалічна, што яна прайшла ў год 155-годдзя Беларускай чыгункі. Удзельнікі форуму разгледзелі шэраг актуальных пытанняў, Сярод якіх абранне сакратара галіновага камітэта. Адкрытым галасаваньнем вядучы спецыяліст па кадрах сектара кадрава-метадычнай работы службы арганізацыйна-кадравай работы Упраўлення Беларускай чыгункі Яўген Цыба.
У працы Канферэнцыі прыняла ўдзел в.а. другога сакратара Цэнтральнага Камітэта ГА «БРСМ» Эліна Брага. Яна высока ацаніла ролю галіновага камітэта ГА «БРСМ» у дзейнасці Беларускай чыгункі і краіны ў цэлым, а таксама выказала ўпэўненасць, што новы лідэр арганізацыі зможа не толькі захаваць ужо існуючыя традыцыі, але і прыўнесці новыя ідэі ў працу моладзевай арганізацыі.
Чытаць далей… -
24 мая 2017За 4 месяцы 2017 года ў здраўніцах Беларускай чыгункі аздаравіліся амаль 6 тысяч грамадзян
За 4 месяцы 2017 года здраўніцамі Беларускай чыгункі было рэалізавана 5937 пуцёвак. Гэта на 10,1% больш, чым за аналагічны перыяд 2016 года. Амаль 70% ад агульнай колькасці адпачылых — чыгуначнікі.
Усяго на Беларускай чыгунцы функцыянуюць 6 санаторыяў і 2 базы адпачынку: «Аздараўленчы цэнтр «Талька» Мінскага аддзялення Беларускай чыгункі, «Санаторый «Магістральны» Баранавіцкага аддзялення БЧ з аддзяленнем «Свіцязь», «Аздараўленчы цэнтр» Брэсцкага аддзялення дарогі з базай адпачынку «белае возера», «Санаторый «Гомельскага аддзялення БЧ з базай адпачынку «Лясныя далі», «Санаторый «Дубравенка» Магілёўскага аддзялення, «Санаторый «Чыгуначнік» Віцебскага аддзялення беларускай магістралі.
Чытаць далей…
-
24 мая 201722 мая гэтага года з Кітайскага горада г. Шэньчжэнь адправіўся ў Беларусь кантэйнерны цягнік China Railway Express пад назвай «China Brilliant»Аднымі з галоўных арганізатараў дадзенага праекта выступаюць дзяржаўнае прадпрыемства «Белінтэртранс — транспартна-лагістычны цэнтр» (БТЛЦ) Беларускай чыгункі сумесна з ТАА «Белінтэртранс-Германія».
У цяперашні час цягнік рухаецца па тэрыторыі Кітая. У складзе цягніка сорак адзін 40-футавы кантэйнер. Плануецца, што ў Беларусь цягнік прыбудзе ў першых ліках чэрвеня на канчатковую станцыю прызначэння Калядзічы Беларускай чыгункі.
Тут састаў будзе расфармаваны і адпраўлены па заяўках кліентам, у тым ліку ў краіны ЕС, Турцыю і інш.
Ва ўрачыстай цырымоніі з нагоды адпраўлення 22 мая цягнікі China Railway Express па маршруце Шэньчжэнь Мінск (Калядзічы) прымала ўдзел дэлегацыя Беларускай чыгункі на чале з першым намеснікам Начальніка дарогі Ігарам Шылавым.
Чытаць далей… -
23 мая 2017У Дзень абароны дзяцей БЧ правядзе акцыю «Стоп — няправільны крок!», накіраваную на павышэнне бяспекі на чыгуначных пуцях
Беларуская чыгунка сумесна з галіновым камітэтам ГА «БРСМ» і аддзеламі ўнутраных спраў на транспарце Міністэрства ўнутраных спраў Беларусі 1 чэрвеня ва ўсіх абласцях рэспублікі з 11.00 да 14.00 правядзе акцыю «Стоп — няправільны крок!».
Мерапрыемствамі будуць ахоплены чыгуначныя аб'екты і ўчасткі, на якіх была адзначана найбольшая колькасць парушэнняў пры пераходзе пуцей і звязаных з гэтым няшчасных выпадкаў. Кантраляваць патрабаванні бяспекі будуць групы, у склад якіх увойдзе моладзь Беларускай чыгункі члены ГА «БРСМ» і супрацоўнікі міліцыі. З парушальнікамі будуць праведзены тлумачальныя гутаркі, ім уручаць памяткі «Бяспека на чыгуначным транспарце».
Чытаць далей… -
23 мая 2017Вакальны гурт лакаматыўнага дэпо Мінск Беларускай чыгункі «Экстранае тармажэнне» выступіў ў фінале рэспубліканскага галіновага прафсаюзнага конкурсу творчасці працоўных калектываў «Новыя імёны Беларусі-2017»На заключным гала-канцэрце, які праходзіў у Палацы прафсаюзаў, ансамбль выканаў кампазіцыю «Алілуя кахання» (музыка Аляксея Рыбнікава, словы Андрэя Вазнясенскага). Усяго ў фінале конкурсу выступілі 24 творчых калектыву-прадстаўніка прадпрыемстваў і ўстаноў Рэспублікі Беларусь.
Таксама адбылася прэм'ера песні і кліпа «Калі мы разам» (музыка і словы Сашы Нэма, аўтар кліпа Леанід Жукаў). Сярод зорак беларускай эстрады ў гэтым кліпе праспяваў і ўдзельнік вакальнай групы «Экстранае тармажэнне» Мікалай Гамера.
Трансляцыя заключнага гала-канцэрта рэспубліканскага галіновага прафсаюзнага конкурсу творчасці працоўных калектываў «Новыя імёны Беларусі-2017» адбудзецца 13 чэрвеня на тэлеканале Беларусь-3.
Чытаць далей… -
19 мая 2017Урачыстая цырымонія адпраўлення кантэйнернага цягніка з Кітая ў Беларусь пройдзе 22 мая ў горадзе Шэньчжэнь
22 мая дэлегацыя Беларускай чыгункі на чале з першым намеснікам Начальніка дарогі Ігарам Шылавым прыме ўдзел ва ўрачыстай цырымоніі з нагоды адпраўлення цягніка China Railway Express па маршруце Шэньчжэнь—Мінск (Калядзічы).
Рэалізацыя новага праекта стала магчымая дзякуючы цеснаму супрацоўніцтву чыгуначных адміністрацый Беларусі, Расіі, Кітая, Казахстана па выпрацоўцы інавацыйных рашэнняў і стварэнню мультымадальнага лагістычнага хаба для Паўднёвага Кітая і Усходняй Азіі.
Новы праект ажыцяўляецца ў рамках рэалізацыі ініцыятывы «Адзін пояс, Адзін шлях» для ўмацавання гандлёвых узаемаадносін і сувязяў паміж экспарцёрамі і імпарцёрамі дадзенага рэгіёну пры падтрымцы муніцыпальнага ўрада г. Шэньчжэнь.
У мерапрыемстве таксама прымуць удзел кіраўніцтва горада Шэньчжэнь, Кітайскіх, Казахстанскай, Латвійскай чыгунак, кампаніі «DHL».
Чытаць далей… -
18 мая 2017На Беларускай чыгунцы падвялі вынікі конкурсу маладзёжных ініцыятыў сярод работнікаў БЧ ў 2016 годзе
Конкурс маладзёжных ініцыятыў прайшоў на БЧ упершыню і быў арганізаваны пад эгідай святкавання 155-годдзя Беларускай чыгункі. Яго заснавальнікі — БЧ, Аб'яднаная галіновая прафсаюзная арганізацыя чыгуначнікаў і транспартных будаўнікоў і Галіновы камітэт Грамадскага аб'яднання «Беларускі рэспубліканскі саюз моладзі». Дадзены конкурс арганізаваны ў мэтах рэалізацыі дзяржаўнай маладзёжнай палітыкі на Беларускай чыгунцы, інтэлектуальных і творчых здольнасцей моладзі, а таксама выяўлення і ўкаранення на беларускай магістралі інавацыйных ідэй і праектаў, якія прадстаўляюць практычную цікавасць, пастаяннае павышэнне прафесійнага ўзроўню моладзі. Інтэлектуальнае спаборніцтва праводзілася ў трох намінацыях: «Лепшая маладзёжная ініцыятыва, накіраваная на павышэнне бяспекі руху цягнікоў, перавозкі грузаў і пасажыраў», «Лепшая маладзёжная ініцыятыва, накіраваная на павышэнне прадукцыйнасці працы, рацыянальнае выкарыстанне працоўных рэсурсаў, эканомію паліўна-энергетычных і матэрыяльных рэсурсаў» і «Лепшая маладзёжная ініцыятыва, накіраваная на забеспячэнне аховы навакольнага асяроддзя, а таксама на павышэнне ўзроўню тэхнікі бяспекі і аховы працы на вытворчасці».
Чытаць далей… -
18 мая 2017У маі 1992 года Беларускай чыгункай было створана адно з першых экспедыцыйных прадпрыемстваў у Беларусі
У 2017 годзе дзяржаўнаму прадпрыемству «БЕЛІНТЭРТРАНС – транспартна-лагістычны цэнтр» Беларускай чыгункі спаўняецца 25 гадоў. 18 мая 1992 года быў падпісаны Загад № 54Н аб стварэнні транспартна-экспедытарскіх прадпрыемства «БЕЛІНТЭРТРАНС».
Асноўнымі задачамі прадпрыемства з'яўляліся задавальненне патрэбаў грузаўладальнікаў рэспублікі ў паслугах па экспедаванню экспартна-імпартных грузаў, арганізацыя разлікаў за перавозкі грузаў па тэрыторыях іншых дзяржаў, садзейнічанне прыцягненню да перавозкі транзітных грузаў.
У мэтах нарошчвання аб'ёмаў перавозкі і апрацоўваемых грузаў у 2009 годзе было прынята рашэнне аб зліцці дзвюх арганізацый «Белінтэртранс» і «Мінскжэлдортранс» у адзіную структуру – Рэспубліканскае транспартна-экспедыцыйнае ўнітарнае прадпрыемства «БЕЛІНТЭРТРАНС – транспартна-лагістычны цэнтр» Беларускай чыгункі ( «БТЛЦ»).
Галоўная перавага створанага прадпрыемства – прадастаўленне поўнага комплексу лагістычных паслуг, які ўключае экспедзіраванне грузаў рознымі відамі транспарту, станцыйныя і складскую апрацоўку грузаў, мытнае афармленне, страхаванне і інш.
Чытаць далей… -
18 мая 2017Выхаванцы транспартнага класа сярэдняй школы № 22 горада Магілёва пабываюць на экскурсіі ва Упраўленні Беларускай чыгункі
19 мая выхаванцы транспартнага класа ДУА «Сярэдняя школа № 22 г. Магілёў» наведаюць цэнтр кіравання перавозкамі Упраўлення БЧ і сустрэнуцца з кіраўніцтвам дарогі. Мерапрыемства арганізавана ў рамках святкавання 155-годдзя беларускай магістралі. Таксама хлопцы азнаёмяцца з працай Дзіцячай чыгункі імя К.С. Заслонава, зробяць экскурсійную паездку на цягніку «Сталічны экспрэс» і пабываюць у навучальным цэнтры ДЧ. Акрамя таго, выхаванцы транспартнага класа наведаюць рэдакцыю газеты «Чыгуначнік Беларусі», дзе супрацоўнікі выдання раскажуць ім аб асноўных этапах падрыхтоўкі чарговага нумару газеты ў друк. Завершыцца падарожжа магілёўскіх школьнікаў у сталіцу Беларусі экскурсіяй па Дзяржаўнаму мемарыяльнага комплексу «Хатынь».
Чытаць далей… -
18 мая 2017Беларуская чыгунка далучаецца ды святкавання Міжнароднага дня музеяў
18 мая ў Міжнародны Дзень музеяў у Баранавіцкім музеі чыгуначнай тэхнікі в е 17.00 да 20.00 будзе арганізавана бясплатнае наведванне экспазіцыі музея, а таксама прадугледжана правядзенне культурна-забаўляльнай праграмы з гульнямі, конкурсамі і розыгрышам прызоў.
Баранавіцкі музей чыгуначнай тэхнікі ўключаны ў новы гарадскі турыстычны маршрут. Музей прыме ўдзел 19–21 мая ў свяце горада «Баранавіцкая вясна».
Па выніках конкурсу на лепшы музей і пакой баявой і працоўнай славы за 2016 год калектыву музея гісторыі УП «Баранавіцкае аддзяленне Беларускай чыгункі» у намінацыі «Лепшы музей аддзяленняў Беларускай чыгункі» прысуджана першае месца.
Чытаць далей… -
18 мая 2017Беларуская чыгунка прызначыла паскораныя цягнікі рэгіянальных ліній эканамкласа напрамкам Мінск–Жодзіна–Мінск і Мінск–Барысаў–Мінск
У мэтах павышэння якасці транспартнага абслугоўвання, а таксама з улікам пажаданняў пасажыраў Беларуская чыгунка з 20 мая прызначыла паскораныя цягніка рэгіянальных ліній эканамкласа ў зносінах Мінск–Жодзіна і Мінск–Барысаў.
Па маршруце Мінск–Жодзіна цягнік штодня будзе адпраўляцца са станцыі Мінск-Пасажырскі ў 5.27 і прыбываць у Жодзіна ў 6.23 (з прыпынкамі па станцыях Мінск-Усходні, п.п. Трактарны, Смалявічы, п.п. Зарэчнае, Чырвоны Сцяг, о.п . Жодзіна-Паўднёвае). У адваротным кірунку цягнік будзе рабіць 4 прыпынкі: п.п. Жодзіна-Паўднёвае, Чырвоны Сцяг, п.п. Зарэчнае, Смалявічы і адпраўляцца з Жодзіна ў 7.22, а прыбываць на станцыю Мінск-Пасажырскі ў 8.22.
Па маршруце Мінск–Барысаў са станцыі Мінск-Пасажырскі цягнікі будуць адпраўляцца штодня ў 8.40 і 16.53. У Барысаў яны будуць прыбываць у 9.52 і ў 18.05 адпаведна. У адваротным кірунку цягнікі будуць адпраўляцца з Барысава ў 10.40 і 19.10, а прыбываць на станцыю Мінск-Пасажырскі ў 12.00 і 20.29 адпаведна.
Чытаць далей…
-
17 мая 2017Перад пачаткам летніх школьных канікул Беларуская чыгунка правядзе акцыю «Дзеці і бяспека»
З 30 мая па 12 чэрвеня на ўсіх аддзяленнях Беларускай чыгункі пройдзе традыцыйная акцыя «Дзеці і бяспека». Спецыялісты беларускай магістралі правядуць прафілактычныя мерапрыемствы па забеспячэнню грамадскай бяспекі на аб'ектах чыгуначнага транспарту. Павышаную ўвагу будзе нададзена папярэджанні дзіцячага траўматызму.
Сумесна з членамі грамадскіх фарміраванняў будуць арганізаваны рэйды па кантролі за перамяшчэннем дзяцей, якія знаходзяцца без нагляду бацькоў ці дарослых на аб'ектах чыгуначнага транспарту, паблізу чыгуначных пуцей, на вакзалах, станцыях і ў цягніках.
Работнікі магістралі правядуць тлумачальна-прафілактычныя гутаркі з непаўналетнімі ва ўстановах адукацыі, у дзіцячых аздараўленчых лагерах, размешчаных у непасрэднай блізкасці ад чыгункі, у перыяд летніх канікул. Асаблівая ўвага будзе нададзена растлумачэнню аб недапушчэнні знаходжання непаўналетніх на чыгуначных пуцях ў слухаўках і вядзення перамоў з выкарыстаннем сродкаў сотавай сувязі. Таксама дадаткова інструктуюцца лакаматыўнае брыгады па павышэнню пільнасці пры набліжэнні да пасадачным платформах, пераездам і мясцінах магчымага з'яўлення людзей.
Чытаць далей… -
17 мая 2017На Беларускай чыгунцы ўпершыню выберуць лепшую шматдзетную сям'ю
У Мінскім Палацы культуры і спорту чыгуначнікаў адбудзецца конкурс «Мы сям'я!» сярод шматдзетных сем'яў работнікаў Беларускай чыгункі. Яго арганізатарамі з'яўляюцца БЧ і Аб'яднаная галіновая прафсаюзная арганізацыя чыгуначнікаў і транспартных будаўнікоў. У такім маштабе конкурс праводзіцца на Беларускай чыгунцы ўпершыню ў рамках мерапрыемстваў, прымеркаваных да 155-годдзя беларускай магістралі. Яго мэта прапаганда стварэння станоўчага вобразу поўнай шматдзетнай сям'і, выяўленне і заахвочванне сацыяльна-актыўных сем'яў на Беларускай чыгунцы.
Конкурс праводзіцца ў пяць этапаў: «Свет захапленняў», «Сямейны альбом», «Ці ведаю я сваё дзіця», «Музычна-інтэлектуальны тэст», «Паспяховы саюз». Кожнай сям'і трэба будзе пазнаёміць прысутных са сваім хобі і захапленнямі, паказаць наколькі добра бацькі ведаюць сваіх дзяцей, прадэманстраваць музычную эрудыцыю, цікава прадставіць сям'ю, а таксама выканаць нумар мастацкай самадзейнасці.
Чытаць далей… -
12 мая 2017Беларуская чыгунка арганізуе акцыю «Зробім цягнік чыстым»
Акцыя пройдзе з 1 чэрвеня па 30 верасня ў перыяд летніх пасажырскіх перавозак у мэтах паляпшэння ўмоў праезду ў цягніках рэгіянальных ліній эканомкласа. Галоўная задача акцыі прыцягнуць увагу пасажыраў да пытанняў культуры праезду і захавання чысціні ў рухомым саставе.
У перыяд акцыі Беларускай чыгункай будзе забяспечана правядзенне камісійных праверак санітарна-тэхнічнага стану цягнікоў рэгіянальных ліній эканомкласа перад выхадам рухомага саставу з дэпо. На кожным аддзяленні спецыялісты дарогі будуць ажыцяўляць маніторынг за іх санітарным і тэхнічным станам. Таксама ва ўсіх дэпо будзе арганізаваны пільны агляд цягнікоў пасля рэйса, выяўляцца недахопы.
Штогод да будучага сезону летніх перавозак БЧ праводзіць веснавы камісійны агляд маторвагоннага рухомага складу цягнікоў рэгіянальных ліній эканомкласа. У рамках яго правядзення ажыццяўляецца комплексная падрыхтоўка рухомага саставу да перавозкі пасажыраў.
Чытаць далей…
