9—10 снежня ў Віцебску пройдзе нарада па пытанні курсіравання кантэйнернага цягніка «ZUBR»

08 снежня 2015

У Віцебску збяруцца прадстаўнікі чыгуначных адміністрацый Беларусі, Грузіі, Украіны, Малдовы, Латвіі, Эстоніі, а таксама аператары па пытаннях курсіравання кантэйнернага цягніка «ZUBR».

Асноўнай тэмай мерапрыемства стане абмеркаванне пытанняў развіцця праекта кантэйнернага цягніка «ZUBR», тарыфных умоў на 2016 год.

Перавозкі грузаў кантэйнерным цягніком «ZUBR» былі арганізаваны ў 2009 годзе чыгуначнымі адміністрацыямі Латвіі, Эстоніі, Беларусі і Украіны. У 2013 годзе да праекта далучылася ГП «Чыгунка Малдавіі».

Кантэйнерны цягнік «ZUBR» рухаецца па маршруце Талін/Мууга (Эстонія)‑Валга‑Рыга/Даўгаўпілс (Латвія)—Бігасава—Славечна (Беларусь)—Бережесть—льлічоўск/Адэса/Магілёў-Падольскі (Украіна)—Джурджулешты‑Порт (Малдова) і дазваляе злучыць парты Балтыйскага і Чорнага мораў.

Аператарамі цягніка з'яўляюцца: Дзяржаўнае прадпрыемства «Белінтэртранс — транспартна-лагістычны цэнтр» Беларускай чыгункі (Беларусь), АТ «ЭВР Карго» (Эстонія), ТАА «ЛДЗ Карго Лагістыка» (Латвія), ГП «УГЦТС» Ліскі «(Украіна), ГП «Чыгунка Малдовы» (Малдова).

У склад цягніка ўключаюцца вагоны з універсальнымі і спецыялізаванымі кантэйнерамі, у тым ліку рэфрыжэратарнымі.

Адпраўка і прыбыццё кантэйнераў на фітынгавых платформах па тэхналогіі цягніка «ZUBR» магчыма з усіх станцый Беларускай чыгункі. Для перавозак грузаў цягніком «ZUBR» устаноўлены канкурэнтаздольныя тарыфныя ўмовы.

Інфармацыя падрыхтавана прэс-цэнтрам БЧ